အပင်စိုက်သူတိုင်း ကိုယ်တိုင်ပြုလုပ်နိုင်တဲ့ အမြစ်နဲ့ အရွက်အတွက် အားဆေး ပြုလုပ်နည်း

Sharing is caring!

လိုအပ်မယ့် ပစ္စည်းတွေကတော့ လွယ်လွယ်နဲ့ ရနိုင်တဲ့ အိမ်တွင်းပစ္စည်းတွေပါပဲ။ ထမင်းသိုး ဆန်တစ်ဗူးချက်ခန့် ။ သကြား ထမင်းစားဇွန်း-2 ဇွန်း။ နို့ချဉ် ၅၀ စီစီ ။

ထမင်းသိုးထဲ ရေ လီတာဝက်ခန့် လောင်းထည့်ပါ။ ပြီးနောက် ၅ မိနစ်ခန့် မွှေပေးပါ။ ထမင်းသိုးမှ အရည်အားလုံး သမသွားပါက ၅ မိနစ်ခန့် အနည်ထိုင်အောင် စောင့်ပါ။ အနည်ထိုင်သွားပါက ရေစစ်ဖြင့် စစ်ယူပါ။

စစ်ယူထားသော ထမင်းသိုးရေထဲသို့ သကြား ၂ ဇွန်း နို့ချဉ်ဘူး ၅၀ စီစီ ဖေါက်ထည့်ပါ။ သမသွားအောင်နဲ့ သကြားများ ပျော်အောင် မွှေပါ။ အားလုံး သမသွားပြီ ဆိုပါက ရေသန့်ဘူးလွတ်ထဲထည့်ပြီး အရိပ်ထဲထားပါ။ ဘူးအဖုံးကိုတော့ အလုံမပိတ်ဘဲ တစ်ရစ်ခန့် ချန်

ထားးပါ GAS ထွက်ရန် ဖြစ်ပါတယ်။(၃) ရက်မြောက်နေ့တွင် ထပ်ပြီးလုပ်ပါ။ အဖုံးကို တစ်ရစ် ချန်ပြီး ပြန်ပိတ်ပါ။ ၇ ရက်မြောက်မှာတော့ အသင့်သုံး ထမင်းသိုးဂျူလင်စီကို ရပါပြီ။

ဒီဆေးရည်သည် အပင်၏ အမြစ်နဲ့ အရွက်များ အတွက်ကို များစွာ အကျိုးးပြုပါတယ်။ N ဒြပ် အများဆုံးပါဝင်သောကြောင့် ဖျန်းပြီး သုံးရက်နဲ့ငါးရက်ကြာပါက သိသာလာပါလိမ့်မယ်။

အပင်ထဲထည့်ပါက အမြစ်ရှင်သန်ပြီး အစာစားကောင်းပါတယ်။ အရွက်မှ ဆေးရည်ကို တိုက်ရိုက် စားသုံးနိုင်သောကြောင့် အရွက်များ သန်မာကြီးထွား စေပါတယ်။ ကွမ်းသမားများ အရွက်စား အပင်များ အတွက် လက်တွေ့ ဖြစ်ထွန်းစေပါတယ်။

အရွက်ဖျန်းဖို့အတွက် – ဆေးဖျန်းပုံးတစ်ပုံးကို ဆေးရည် ၅ ဇွန်း – အပင်လောင်းရန်အတွက်- ဆေးဖျန်းပုံးတစ်ပုံးကို ဆေးရည် ၁၀ ဇွန်း တို့ ဖြစ်ပါတယ်။

အားလုံးပဲ အဆင်ပြေကြပါစေ။

Add a Comment

Your email address will not be published. Required fields are marked *